Tau koloa aoga

Moua e tau hatakiaga mo e tau ata kifaga ne taute aki e vagahau Niu Silani ne fakaaoga he tau matalima (New Zealand Sign Language).

Ko e falu he tau tagata he maaga ne fakatokatoka mo e lagomatai ke leveki noa e tau Community Patrols. Gahuahua e tau matakau leveki ke he tau maaga ke lata ma e ha lautolu a maaga mo e gahua mo e New Zealand Police mo e tau tufono maaga.

Matutaki mo e taha Community Patrol po ke kamata taha ke he haau a maaga.

Kumikumi ke iloa e tau New Zealand Response Team mo e ha lautolu a tau matakavi ne ha ha ki ai i Niu Silani.

Ko e Land Search and Rescue (LandSAR) ko e taha matakau motu ne gahua nakai totogi. Ne lagomatai ke kumi mo e fakaho ke he tau tagata ne kua galo, nakai kitia mo e pakia i Niu Silani katoa.

Ne foaki he Coastguard New Zealand ke kumi mo e fakahao e tau tagata o tahi. Taute e lautolu e tau polokalama fakaako mo e tau gahuahuaaga he maaga ke lata mae haohao mitaki i tahi.

Ko Amateur Radio Emergency Commincations (AREC) ko e taha matakau lafilafi he tau tagata gahua noa ke fakaaoga e tau makaka ke he tau puhala feutaaki tala mo e tau makaka tekenolo ke lagomatai ke kumi mo e fakahao i Niu Silani.

Ne foaki he Surf Life Saving New Zealand e tau lagomatai ke he tau tagata leveki ke he tau tagata o tahi mo e fakahao mai he tau lekua tupu fakalutukia. Taute foki e lautolu e tau polokalama ke lata ma e haohao mitaki ke he tau mataafaga papiliki.

Ko e Fire and Emergency New Zealand ne lago ki ai e puipuiaga mai he tau afi, tau taui atu mo e tau taofi.

Kumi e tau lagomatai he mole e taha lekua matematekelea ke he motu ke lagomatai ke moua e malolo katoatoa.

Kua atihake he Mental Health Foundation e All Sorts mo lagomatai ke liuaki age e pule mo e taofiaga he tagata ne kua galo ha kua utakehe ke he tatalu kelea mo e tau mena tutupu hagahaga kelea.

Kumi lagomatai mai he taha tagata gahua fonua ke he taha, ne kua fakailoa he saiene ke he tau malolo katoatoa.

Kua talaga e Farmstrong ma e tau tagata gahua fonua, tau tagata to akau mo e ha lautolu a tau magafaoa ke maeke ke kalo mai he tau mena ka nakai mitaki mo e fetufaaki ke he tau mena ne maeke a lautolu ke taute ke leveki aki a ni a lautolu mo e ha lautolu a tau tagata ki loto pisinisi.

Mahuiga lahi ke iloa e tau puhala kehekehe ne maeke ia koe ke iloa e tau mena tutupu ke he magaaho ka tupu e taha lekua fakalutukia.

Ko e Taumata Arowai ne leveki a New Zealand. Kumikumi ke iloa e tau vala tala ke he tau mena tutupu fakaofo ke he tau valavai inu mo e iloa ko e hae fe e tau puhala ke haohao mitaki he poko kupega hila Taumata Arowai.

Maeke he matalaa ha Niu Silani ke tokoluga e tau totouaga ke he ultraviolet (UV) radiation. Maeke he UV radiation ke fai matematekelea ka moua ke he kili he tino mo e tau mata.

Maeke i a koe ke leveki puipui a koe mo e haau a tau fanau kaeke ke muitua mo e tauteute fakalotomatala tuga e SunSmart. Fakaako ke iloa e tau puhala ke puipui pete e lahi e nofo atu ke he laa ka muitua ke he tau poakiaga he poko kupega hila SunSmart.

Maeke he aafu velagia ke lahi e hagahaga kelea mo e mutuhia e tau momoui.

Ha ha ki ai he St John e tau fakailoaaga ma e tau levekiaga ke he tau malolo tino ke maeke ke kitia mo e tului e tau matematekelea ha ko e aafu velagia.

Maeke he aafu velagia ke fakatupu gagao ke hoko ke he mate. Ka e ka fakatokatoka tuai e tau puhala mo e tau tauteaga mitaki to maeke ke tukutuku hifo e tau lauiaaga hagahaga kelea ke he tau malolo tino.

Kumikumi ke moua falu vala tala hagaao ke he tau lauiaaga kelea he aafu velagia ke he tau malolo tino mo e moua mai e tau puhala ke tului aki e tau mena nei he poko kupega hila Health New Zealand.

Maeke he aafu velagia lahi ke hagahaga kelea ke he moui.

Kumikumi mai he poko kupega hila WorkSafe e tau vala tala hagaao ke he tau puhala gahua ne haohao mitaki kaeke ke velagia lahi e tau aafu vela.

Kalo kehe mai he mate ha ko e first aid. Moua mai e tau fakaakoaga he poko kupega hila St John ke iloa ko e heigoa e tau mena ka kumikumi ki ai mo e taute kaeke kua lata a koe ke tului e tau kafokia.