Palana mae haau a tau manufao mo e falu manu foki
Ko e tau manu fao ko e haau a levekiaga a lautolu. Kua lata ia koe ke putoia a lautolu ke he tau palana mo e tau teuteu haau ha ko e tau lekua tutupu fakalutukia.
- Fakaputu ke loga e tau menakai, tau valavai mo e tau koloa ke lata mae haau a tau manu ke tolu e aho mo e molea. Manatu ko e mena lahi atu e inu valavai e tau manu he tau magaaho ka tupetupe.
- Manatu ke tuku e tau microchip he haau a tau manufao. Tohia a lautolu mo e New Zealand Companion Animal Register (NZCAR). Fakatumau ke fakafoou e tau fakamauaga nei mo e lalafi atu foki e tau fakamauaga ke lata mae taha i fafo he matakavi.
- Liu kitekite ke he inisua he haau a manufao ke fakamooli to fai totouaga nakai kaeke ke fai he tau mena tutupu fakalutukia.
- Kaeke kua lata ia koe ke hola kehe, uta e tau manufao haau mo koe. Kaeke ke nakai haohao mitaki ke lata mo koe, to nakai haohao mitaki foki ke lata mo lautolu. Iloa mooli to talia nakai he fale fakamalu e haau a tau manu fao. Poke fai numela ke tauhea ke he tau fale leveki manu, fale leveki pusi mo e tau motela ne talia e tau manu.
Kua fai hatakiaga e Ministry for Primary Industries (MPI) ke lata ke fai palana mae haau a tau manu. Lalafi ki ai e taha poakiaga ke lata mae tau faga manu kehekehe mo e tau faga lekua tutupu fakalutukia kehekehe. Gahuahua ke he tau matagahua ne kua fakatokatoka ke fakatupu e haau a palana.
Hikihiki e haau a palana ke felauaki mitaki
Ko e tau palana he tau kaina oti to kehekehe, ha ko e tau mena ne nonofo ai a tautolu, ko hai ne nonofo mo tautolu mo e ko hai ne manako ke moua e lagomatai mai ia tautolu.
