Fakato Hifo, Uufitia mo e Gega
Kua hako lahi ke Fakato Hifo, Uufitia mo e Gega kaeke ke to e mafuike. Fakaako ke Fakato Hifo, Uufitia mo e Gega.
He lau pepa nei
Fakaako ke iloa ke Fakato Hifo, Uufitia mo e Gega
Ko e talahauaga kua mua e mitaki he Fakato Hifo, Uufitia, mo e Gega ne kua fifiliina ki ai ha kua gahuahua ma e haau a tino.
FAKATO HIFO ke he haau a tau lima mo e tau tuli hui po ke fakato hifo ni ke tokolalo ke he haau a fahia. To puipui he mena nei a koe ke ua veli ki lalo ka e maeke agaia a koe ke lutu kaeke kua lata ke pihia. Fakapeei atu ke he taha kaupa po e taha koloa ni he lotokaina ne mauokafua kaeke ke nakai maeke i a koe ke fakato hifo ke he foloa.
UUFITIA e haau a ulu mo e kakia (poke haau a tino katoa ka maeke) ki lalo he taha laulau malolo poke laulau gahua (kaeke ke tata lahi kia koe). Kaeke ke nakai fai mena ke fakamalu tata, uufi e haau a ulu mo e kakia aki e haau a tau lima mo e tau matalima.
GEGA ke he haau a fakamaluaga (poke haau a nofoaga ke uufi haau a ulu mo e kakia) ato galo e lulululu. Kaeke ke lutu fano e haau a fakamaluaga, une foki a koe.
Ko e tau puhala kehekehe ke Fakato Hifo, Uufitia mo e Gega
Kaeke ke kulikuli e tau alaga tino haau po ke fakaaoga a koe ke he tokotoko
Kaeke ke kulikuli e tau alaga tino haau po ke fakaaoga a koe he tokotoko, Fakato Hifo, Uufitia mo e Gega po ke Nofo, Uufitia mo e Gega.
Fakato Hifo ke he tokolalo ke he haau a fahia po ke nofo he nofoa, ke he faahi he haau a mohega po ke nofoa loa (couch).
Uufitia haau a ulu mo e kakia aki e tau lima ne ua haau. Loloku atu haau a tino ke he haau a fuga tega. Tatai e mena nei ke he tauteaga he vakalele. Toka fakatata e haau a tokotoko ke maeke ia koe ke fakaaoga he magaaho ka oti e lulululu.
Gega ke mau a to oti e lulululu.
Kaeke ke fakaaoga a koe he peleo taveli (wheelchair)
Kaeke ke fakaaoga a koe he lakau ne lagomatai ke fanofano po ke peleo taveli, Loka, Uufitia mo e Gega.
Loka e tau hui taveli mo e lali ke he haau a fahia ke nofo fakatokolalo hifo.
Uufitia haau a ulu mo e kakia aki e tau lima ne ua haau. Vakai haau a tino ke he haau a fahia ke he haau a fuga tega. Tatai e mena nei ke he tauteaga puipui he vakalele.
Gega ke mau a to oti e lulululu.
Kaeke ko koe he mohega
Kaeke ko koe he mohega, ua fano kehe mai he mohega mo e toho hake haau a tau kafu mo e tau kafu mamafa ke uufitia a koe mo e fakaaoga e haau a uluga ke puipui e haau a ulu mo e kakia.
Liga ke haohao mitaki mai a koe kaeke ke nakai fano kehe a koe he mohega.
Kaeke ko koe ki fafo
Kaeke ko koe ki fafo, une mo e nakai molea lahi mai he tau fale, tau akau, tau moli puhalatu mo e tau kave hila, to Fakato Hifo, Uufitia mo e Gega.
Kaeke ko koe ki loto he eleveta
Kaeke ko koe ki loto he eleveta, Fakato Hifo, Uufitia mo e Gega.
Ko e magaaho ka oti e lulululu, lali ke hu ki fafo he foloa ne tata lahi kaeke ke maeke a koe ke haohao mitaki ka taute pihia.
Kaeke ko koe ne fakaholo
Kaeke ko koe ne fakaholo, aafe ke he taha vala he puhala tu ne ata.
Taofi. Fakatali he naia mo e fakamau haau a pipi nofoa ato oti e lulululu.
Ko e magaaho ka oti e lulululu, finaatu mo e fakaeneene mo e aua neke finaatu ke he tau halalaupapa poke tau mena paiaia neke kua malona.
Taute mau ke fakamahani ke Fakato Hifo Uufitia Gega
Mahuiga lahi ke taute ke fakamahani e tau mena kua lata ke taute ha ko e mena ka to e mafuike, kua iloa e koe e mena ke taute.
Ko e laulahi he tau pakia mo e tau kaumahala he magaaho ka tupu e tau mafuike ne tutupu ha ko e tau mena ne mokulu mo lauia e tau tagata ka e nakai ha ko e tau fale ne malolo. Kua lata i a koe ke fakamahani ke FAKATO HIFO, UUFITIA, GEGA ne gahuahua mitaki ki a koe mo e fakamau e tau mena nei ke taute he magaaho ka kamata e kelekele ke lulululu.
Ko e talahauaga kua mua e mitaki he Fakato Hifo, Uufitia, mo e Gega ne kua fifiliina ki ai ha kua gahuahua ma e haau a tino mo e kua aga foki he fae fakataitai mau ki ai.
Fakataitai mau e haau a Fakato Hifo Uufitia Gega:
- Ko e tau tau ne oti ha ko e taha vala he New Zealand ShakeOut
- He magaaho ka tivi atu a koe ke he haau a fakatokaaga po ke tau koloa kua fakaputu ke lata ma e tau lekua fakaofo
- He tau magaaho he tau tuga e daylight savings.
Ko e tau talahauaga ke lata ma e haohaoaga ka to e mafuike ne kua nakai fai falanakiaga ki ai
To moua e koe e falu vala tala he kupega hila hagaao ke he tau mena ke taute ka to e mafuike. Laulahi he tau mena nei ne kua nakai fai falanakiaga ki ai, mo e kua nakai lata ke mumuitua atu ki ai.
Ko e tau kumikumiaga mai he tau atu motu ko United States, Taiwan, Japan mo New Zealand ne lalago mo e omoi e Fakato Hifo, Uufitia mo e Gega. Ko e tau motu nei ne ha i ai e tau fakamauaga foou ke hataki aki e talagaaga he tau fale mao ke ua malolo ka to e mafuike.
Tau koloa aoga
Kua hako lahi ke Fakato hifo, Uufitia mo e Gega kaeke ke tupu e mafuike ne tohia ke he factsheet faka-Peritania.
Fakaako ke iloa ko e heigoa ke taute kaeke kua to e mafuika ke he tau fakataitaiaga kehekehe. Kitekite e tau ata vitio faka-Peritania nei hagaao ke he haohao mitaki mai he tau mafuike ne taute mai he Southern California Earthquake Center.
Moua mo lagaki e fakatino fakatata nei. Tuku hake he haau a lotokaina, fale aoga, fale gahua poke taha fale maaga. Manatu: Fakato Hifo, Uufitia mo e Gega.
pdf | 102 KB
Kua hako lahi ke Fakato Hifo, Uufitia mo e Gega kaeke ke to e mafuike. Kitekite ke he ata vitio ku nei ne faka-Peritania ke iloa atu foki hagaao ke he Fakato hifo, Uufitia mo e Gega.
Moua mai mo e fakaaoga e tau fakailoaaga ko e heigoa ke taute to hoko, kua hoko mai mo e kua mole e mafuike.
Ko e tau vahega matematekelea
Na loga lahi e tau matematekelea tutupu pauaki i Niu Silani. Kumikumi ke iloa ko e heigoa ke taute to hoko, kua hoko mo e kua mole e tau vahega kehekehe he tau mena tutupu fakalutukia.
