Leveki ke he haau a manamanatuaga malolo
Maeke ke ai malolo e manamanatuaga kaeke kua logona ke he taha matematekelea. Nakai kua hepe kaeke kua tupetupe e tau loto mo e mategugu e tau tino he magaaho ka tupu pihia foki ka mole atu e taha mena fakalutukia.
He lau pepa nei
Moua mai i fe e lagomatai
Ka tupu e taha mena fakalutukia, tauhea ke he numela telefoni 111.
Mahuiga lahi e haau a malolo ke he manamanatuaga mo e loto. Nakai kua hepe kaeke kua logona e mamafa e loto poke tupetupe e manamanatuaga he magaaho ka tupu pihia foki ka mole atu e taha mena fakalutukia. Ka e ha i ai e falu mena ke taute e koe ke logona kua mitaki mai.
Maeke ia koe ke fakafano e tohi hila poke tauhea telefoni ke he 1737 ke tutala mo e taha tagata kua fakaako pauki ke tutala ke tau mena pehenei. Maeke ia lautolu ke lagomatai ia koe kaeke kua:
- manako ke he taha lagomatai poke taha hatakiaga
- logona a koe ke he loto tupetupe, mamafa e manamanatuaga, matakutaku ke leva, nakai fai amaamanakiaga poke ita, poke
- manako noa ni a koe ke tutala mo e taha.
Kaeke kua logona a koe kua nakai fahia ke moua e malolo, tutala mo e taha mai he faahi malolo tino. Kumikumi ke moua e taha levekiaga mai he haau a ekekafo poke taha faahi gahua ne leveki ke he tau gagao ke he tau manamanatuaga ha kua mahani a lautolu ke he tau logonaaga pehenei ha ko e tau matematekelea.
Falu tagata kua nakai fai logonaaga. Ko e falu kua logona laia e lautolu ka kua fai magaaho kua mole mo e kitia laia ke he fai aho, fai faahi tapu mo e totou mahina ka mole atu e matematekelea ne kua tupu. Nakai fai logonaaga oti e tau tagata ke logona ni he magaaho tonu ia. Maeke e tau fakakiteaga haau ke galo ti liu logona foki kaeke kua fai mena ne tupu ti liu a koe ke manamanatu ke he matematekelea ne tupu.
Ka mole e matematekelea, manatu ke tutala mo e taha ke fakatutala e haau a tau logonaaga ke he loto. Neke fai tagata pulotu lahi ke he tau mena pehe nei ne kua kotofa ki ai ke he haau a matakavi.
Kumikumi e tau hatakiaga ke maama e tau logonaaaga momoko ha kua tupu e tau lekua fakalutukia mo e tau puhala mitaki ke maeke ke moua e loto malolo mai he poko kupega hila he Ministry of Health.
Ko e tau kanavaakau mo e tau koloa fakaaoga mo e nakai fai totogi
Kumikumi ke moua e tau puhala ke leveki aki a koe mo e falu he tau magaaho uka mai he All Right?
Ko e tau gahuahua auloa ha Canterbury DHB mo e Mental Health Foundation of New Zealand e All Right? Ne kamata ai ke fakagahua he 2013 ke lagomatai ke fakamalolo atu ke he tau loto manamanatu he tau tagata mai i Canterbury he mole atu e mafuike he tau tau 2010 mo e 2011.
Kumikumi e tau puhala aoga lahi mo e falu tau puhala ke lagomatai aki koe ke takitaki ni e koe haau a malolo ke he loto manamanatu mo e Mentemia.
Ne fakatu he taha All Black fakamua ko e taha toko malolo ke he tau manamanatuaga malolo, tagata pisinisi tekenolo ko Adam Clark mo e taha matakau pulotu lahi mai he faahi malolo tino.
Kumikumi ke he taha pepa tohi malolo tino, tau koloa fakaaoga mo e tau mena ke logona e koe a koe ke lagomatai a koe ke leveki ke he haau a tau manamanatuaga malolo mo Melon.
Moua mai foki he Melon e tau fakapotopotoaga kupega hila mae tau Niu Silani ke felagomataiaki mo e eke e tau fono kupega hila ke omoi ke he tau malolo tino mo e tau moui olaola.
Moua e tau fakaakoaga ke he kupega hila ke fakaako kia koe e tau puhala iloilo ke malolo mo e ua logona lahi ke he tau loto tupetupe mo e Just a Thought.
Moua e tau vala tala mo e tau hatakiaga ke iloa e tau puhala ke leveki ni kia koe mo e haau a magafaoa he kupega hila depression.org.nz.
Kaeke ke tupetupe poke lolelole e tau manamanatuaga to maeke e tau puhala manamanatu, logona mo e taute ke hikihiki. Kaeke ke kafilo lahi e tau mena tutupu nakai ko koe ni tokotaha.
Kumi e tau lagomatai he mole e taha lekua matematekelea ke he motu ke lagomatai ke moua e malolo katoatoa.
Kua atihake he Mental Health Foundation e All Sorts mo lagomatai ke liuaki age e pule mo e taofiaga he tagata ne kua galo ha kua utakehe ke he tatalu kelea mo e tau mena tutupu hagahaga kelea.
Kumi lagomatai mai he taha tagata gahua fonua ke he taha, ne kua fakailoa he saiene ke he tau malolo katoatoa.
Kua talaga e Farmstrong ma e tau tagata gahua fonua, tau tagata to akau mo e ha lautolu a tau magafaoa ke maeke ke kalo mai he tau mena ka nakai mitaki mo e fetufaaki ke he tau mena ne maeke a lautolu ke taute ke leveki aki a ni a lautolu mo e ha lautolu a tau tagata ki loto pisinisi.
Ko e tau vahega matematekelea
Na loga lahi e tau matematekelea tutupu pauaki i Niu Silani. Kumikumi ke iloa ko e heigoa ke taute to hoko, kua hoko mo e kua mole e tau vahega kehekehe he tau mena tutupu fakalutukia.
