Fakailoaaga Fakalutukia he Telefoni Utafano (Emergency Mobile Alerts)

To maeke ni e tau e tau fakailoaaga mafiti kaeke ke fai mena kua hagahagakelea ke hoko ke he mate, ke he malolo tino poke kaina. Mo e, ke falu magaaho, ke lata ma e tau tiviaga. Fakataitai, to fakaaoga e tau Fakailoaaga Fakalutukia he Telefoni Utafano (Emergency Mobile Alerts) ke fakalaga a ko e ke he tau mena kua hagahagakelea lahi tuga e:

• taha peau kula ne lauia e tau fonua
• taha afi puho ne lauia e tau tagata
• tau tagata kolokolovao ne fai kanavaakau ne ha i ai, poke
• kua kiva lahi e tau valavai inu.

To nakai fakaaoga e tau Fakailoaaga Fakalutukia he Telefoni Utafano (Emergency Mobile Alerts) ke lata mae omoiaga poke lagaki hake he tau kautaha pisinisi.

Ko e tau pule gahua ke he tau faahi ne gahua ke tau lekua kua tutupu fakalutukia ne maeke ke fakafano e tau Fakailoaaga Fakalutukia he Telefoni Utafano (Emergency Mobile Alerts). To maeke ni e tau faahi gahua ke fakafano e tau fakailoaaga mafiti kaeke ke fai mena kua hagahagakelea ke hoko ke he mate, ke he malolo tino poke kaina. To liga fakafano foki he tau faahi gahua nei e tau fakailoaaga noa ke tivi aki e puhala fakafano fakailoaaga nei.

Ko lautolu ni ne kua kua fakaata ke fakafano e tau tau fakailoa fakalutukia ko:

• New Zealand Police
• Fire and Emergency New Zealand
• Ministry of Health
• Ministry for Primary Industries
• National Emergency Management Agency
• Ko e tau Civil Defence Emergency Management Groups he tau matakavi.

To fakakite he tau fakailoaaga nei ko e faahi gahua fe ne fakafano e Fakailoaaga Fakalutukia he Telefoni Utafano.

Ha ko e kakano he Emergency Mobile Alert ke haohao mitaki a koe, to ai maeke ke uta kehe mo e ai moua e tau Fakailoaaga Fakalutukia he Telefoni Utafano (Emergency Mobile Alert).

Ne nakai fakamatafeiga ni a mautolu ke he falu a tau telefoni, ka e fakapuloa ni ke he tau matakavi ne iloa kua hagahagakelea. Ha kua pihia, ne nakai maeke ia mautolu ke nakai putoia haau a telefoni. To nakai fakaaoga he tau Emergency Mobile Alert e haau a numela telefoni utafano poke moua mai e tau talahauaga hagaao kia koe.

To liga fakakite he telefoni haau e falu a tau fakatokaaga ne fakaaoga he falu motu. Ka e i Niu Silani fakaaoga ke he tau fakaholoaga fakapuloa ne moui tumau mo e nakai tamate.

Ka nakai manako a koe ke moua ke he taha tauteaga tivi ke he Fakailoaaga Fakalutukia ke he haau a Telefoni Utafano, kua lata i a koe ke tamate haau a telefoni po ke tuku ke 'flight mode'.