Tauteute e haau a maaga ke mau

Lagomatai haau a tau kapitiga, magafaoa mo e maaga ke tauteute ke mau ke lata mae tau lekua tutupu fakalutukia.

Hu atu ke he taha matakau Neighbourhood Support (felagomataiaki e tau katofia kaina)

Hu atu poke fakatu e taha matakau Neighbourhood Support (felagomataiaki e tau katofia kaina) Maeke ia koe mo e haau a tau katofia kaina ke tufatufa e tau lotomatala mo e tau koloa mo fakaaoga ke lagomatai aki a koe ke hu mai mo e mafola ka tupu e taha lekua fakalutukia.

Maeke he tau Neighbourhood Support Groups ke lopoti fakalataha e tau tagata ke moua e tau maaga haohao mitaki, felagomataiaki mo e matutaki.

Eke mo tagata leveki ke he maaga (Community Patroller)

Matutaki mo e taha matakau ne leveki ke he maaga (Community Patrol) Gahua mo e tau matakau leveki ke he tau maaaga (community patrols) ke puipui e mafola he haau a maaga.

Gahua e tau matakau leveki ke he tau maaga mo e New Zealand Police, tau tufono maaga mo e ha lautolu a tau maaga. Haofia ki ai he tau magaaho ka tupu e taha lekua fakalutukia.

Taute e taha aho mae tau katofia kaina (Neighbours’ Day)

Fakahoko tumau e Neighbours’ Day Aotearoa he tau mahin oti ha Mati. Ne omoi he feua nei e tau katofia kaina ke feiloaaki a lautolu. Nakai kelea kaeke ko koe ni tokotaha, ko e matakau poke taha fakatokatokaaga gahua. Poke kaeke ko e haau a tau katofia kaina ko e tau fale, tau felete, tau kautaha pisinisi poke taha mena kehe atu. Maeke ia koe ke taute e taha toloaga ne hikihiki pauaki ni ke lata mae haau a tau katofia kaina.

Taute e taha palana mae maaga ke lata mae tau lekua tutupu fakalutukia

Ne maeke he palana he maaga ke lata mae tau lekua tutupu fakalutukia ke fakamaama kia lautolu e tau puhala ke felagomataiaki ka tupu e taha lekua. Ka fakatutala a koe mo e haau a tau tagata he maaga ko e taha na puhala ia ke taute ke mau ke lata mae tau lekua tutupu fakalutukia.

To fai tuai he tau matakau ne kua fita ke he haau a maaga. To maeke e tau mena nei mo:

• Civil Defence Emergency Management
• Neighbourhood Support (felagomataiaki e tau katofia kaina)
• Foaki gahua noa, tapu mo e tau matakau feua sipote
• Tau fale aoga
• Tau Marae, poke
• Tau kau fakatokatoka gahua.

Matutaki atu kia lautolu mo e iloa ko e heigoa ha lautolu ne fae taute. Kaeke ke tupu e taha lekua fakalutukia, to maeke a lautolu ke lagomatai ke mouaaga he tau koloa fakaaoga mo e fakatokatoka e tau laliaga ke he tau lagomatai.

Matutaki ke he Civil Defence Emergency Management Group ke iloa ko e fai palana nakai e maaga ke lata mae tau lekua ka tutupu fakalutukia he haau a matakavi. Maeke a lautolu ke gahua mo koe ke mailoga e tau malolo, tau koloa fakaaoga, tau mena ne hagahagakelea mo e tau puhaha ke maeke haau a maaga ke hu mai mo e mafola ka mole e lekua.