Apitia ke he loto kaina
Ke he laulahi he tau mena tutupu fakalutukia, kua mitaki ni ke nofo he haau a lotokaina kaeke kua haohao mitaki ke taute pihia. Ka nofo ke he lotokaina mo e liga ke ai fai hila mo e vai poke taha hala ke moua aki e tau koloa fakaaoga ke he tolu e aho poke molea.
Loga nakai haau a tau mena kai mo e tau valavai? Aikua a lautolu he magafaoa ne kua lata ke moua e taha vai fakamalolo tino? Loga nakai haau a tau mena kai mo e tau valavai ke lata mae tau manu fao ke hohoko mo e mafola foki?
Ko e tau lagomatai mahuiga
Fakapuho ke maama
Nakai pehe ke tuku ni e tau koloa fakaaoga haau ki loto he taha e kato pauaki, ka e liga to fano ni a koe ke kumi e tau koloa nei he pouli. Fakamooli kua iloa oti e lautolu e tokaaga he tau kasa mo e tau maka.
Onoono fakamahino ko e heigoa e haau a tau koloa kua lata ke moua
Ko e filisa fakamua
Kaeke kua mate e hila, kai mua e tau kai he haau a filisa momoko, to filisa aisa. Ti kai e tau kai ne haha iai he haau a tau kapati poke haau a koloa fakaputu pauaki ke lata mae tau mena tutupu fakalutukia.
Iloa e haau a tau katofia kaina
Fano ke iloa e haau a tau katofia kaina. Kaeke kua tupu taha mena fakalutukia to liga manako a lautolu ke he haau a lagomatai poke to manako a koe ke lagomatai mai e lautolu a koe, poke liga maeke ke kau fakalataha ke hoko mo e mafola.
Fakatumau ke iloa e tau mena tutupu
Fakatumau ke iloa e tau fakailoaaga hagaao ke he tau mena tutupu ha kua fanogonogo ke he letio ne fakaaoga he maka kasa poke letio ne fakaaoga he malolo mai he laa. Fakatonu ke he haau a tufono maaga mo e/poke poko kupega hila mo e tau poko matutaki mo e tokologa he Civil Defence Emergency Management Group. Mumuitua ke he tau hatakiaga he civil defence mo lautolu ne leveki ke he tau mena tutupu fakalutukia.
Kumikumi ma e haau a matakavi e Civil Defence Management (CDEM) Group.
Fakatutala hagaao ia ke he tau lauiaaga
Talatala ke he tau tagata he haau a lotokaina mo e iloa ko e heigoa e tau mena ke taute he tau faga mena tutupu pehe nei.
