Kua lata ke hola kehe

Falu a tau fale, tau puhalatu mo e tau matakavi nonofo ne liga ke nakai haohao mitaki ke nonofo i ai mo e kua liga lata ia koe ke hola fakamafiti.

Kaeke kua fehola e tau tagata he haau a puhalatu ne toka e kaina to fano a koe ki fe? Ko e heigoa haau ka uta? Ai kua e tau manu fao? Fai nakai ne kua manako lagomatai he haau a tau katofia kaina?

Ko e tau lagomatai mahuiga

Taute e taha kato koloa ke hamuti ti fano

Taute e taha kato koloa mae tau tagata oti he haau a loto kaina. Kua lata e kato nei ke ha iai e tau mena tui mafana, taha lupo vai, tau kai mama, tau lagaki he tau laupepa mahuiga, mo e taha pepa ne fakamooli ko koe mo e haha i ai e ata. Manatu e tau vai haau neke kua lata ke uta. Toka e kato first aid, moli kasa, letio mo e tau maka kasa he taha mena ne maeke ia koe ke tataki mai fakamafiti.

Onoono fakamahino ko e heigoa e haau a tau koloa kua lata ke moua

Iloa ko e fano a koe ki fe

Iloa ko e fano a koe ki fe (mo e iloa tonu kua iloa oti he haau a tau tagata he lotokaina, neke kua nakai auloa a mutolu). Ko e matakavi ka hola atu a koe ki ai to liga fakalataha ni mo e tau kapitiga poke tau magafaoa, ti manatu ke fakailoa age e koe e haau a tau palana.

Kumikumi mo e iloa e haau a matakavi

Kaeke kua nofo a koe he taha matakavi ke fehola kaeke ke fai peau kula, iloa tonu ko e matakavi ka fehola ki ai ne haha iai ki fafo he haau a kaina.

Ua nimo e haau a tau manu fao

Kaeke kua lata ia koe ke fano kehe, uta e haau a tau manu fao mo koe. Kaeke ke nakai haohao mitaki ma haau, to nakai haohao mitaki foki ma lautolu. Iloa mooli to talia nakai he fale fakamalu e haau a tau manu fao. Poke fai numela ke tauhea ke he tau fale leveki manu, fale leveki pusi mo e tau motela ne talia e tau manu.