Nakai fai valavai
Ko e heigoa haau ka taute kaeke ke mamate e tau laini telefoni mo e kupega hila? Matutaki fefe a koe, ke pulega ke feleveia poke iloa e tau fakailoaaga mo e tau fuafua matagi?
Ke he laulahi he tau mena tutupu fakalutukia, kua mitaki ni ke nofo i kaina. Taute e haau a kaina mo fale ke feleveia ki ai mo e fai feleveiaaga foki kaeke kua nakai hokotia ki kaina.
Ko e tau lagomatai mahuiga
Palana e taha mena ke feleveia ki ai
Toka haau a tau gati lupo mo e tau lupo inu humelie, fakamea mo e fakapuke aki e tau vala vai. Kua lata ia koe ke toka ke tolu e lita valavai mae taha e tagata he tau aho taki taha ne kua nonofo a mutolu mo e nakai fai vai. Ua fakaaoga e tau gati lupo huhu Uka lahi e kau ke fakamea mo e maeke ia koe ke moua e taha gagao. Ua nimo ke fakaputu foki e tau vala vai ke lata mae tau tama mukemuke mo e tau manu fao.
Ko e tau vai toka leva
Maeke ia koe ke toka e tau vai inu ke hoko ke he taha e tau kaeke kua fio aki e koe e taha vai fakamea fale ne nakai fai namu. Fakaaoga hafa e sipunu tote ke lata mae hogofulu e lita valavai mo e ua inu ato hoko ke he hafa e tula ka mole e fio. Iga mo e fakamailoga e tau lupo aki e aho ne fakapuke ai. Fakaputu e tau lupo he taha mena hahau mo e pouli.
Fakatumau ke kai mo e fakamea e tino
Manatu ke fakaputu e vai ke lata mae tunu kai mo e fakamea foki. Maeke ia koe ke fakaaoga e vai he haau a puha vela, ka e fakaputu foki ki loto he tau lupo palasitiki lalahi.
Fakaaisa
Maeke foki ia koe ke fakapuke e tau puha asikulimi aki e vai mo e toka ki loto ke filisa aisa. Maeke e tau mena nei ke tumau e hahau e tau mena kai kaeke kua mate e hila mo e maeke foki ke fakaaoga mo inu.
Fakatutala hagaao ia ke he tau lauiaaga
Talatala ke he tau tagata he haau a lotokaina mo e iloa ko e heigoa e tau mena ke taute he tau faga mena tutupu pehe nei.
