Nakai maeke ke hoko ki kaina

Ke he taha mena tupu fakalutukia, to liga nakai holo e tau peleoafi papiliki, mo e to liga pa foki e tau puhalatu mo e falu he tau matakavi nonofo.

Kaeke ke nakai maeke ia koe ke fano he hala ne fa mahani a koe ke finaatu ki kaina, to hoko fefe foki a koe ki ai? To fano a koe mo hai? Feleveia a mutolu ke he na fe kaeke kua nakai maeke e hala ne nofo ai a koe ke finaatu ki ai?

Ko e taha matakavi foki ke feleveia ki ai

Talia ke he taha feleveiaaga foki kaeke kua nakai hoko a koe he liu ki kaina. Maeke ke pehe ko e fale aoga, kaina he taha kapitiga poke magafaoa.

O auloa

Kaeke ke fano kehe a koe mai he kaina ke gahua, kumi e tau kau gahua ne nonofo he matakavi ne nofo a koe. Kaeke ke tupu taha mena fakalutukia maeke ia mutolu ke o auloa.

Teuteu e taha kato uta

Teuteu e taha kato uta ma e tau tagata oti he lotokaina. Kua lata e kato nei ke ha iai e tau mena tui mafana, taha lupo vai, tau kai mama, tau lagaki he tau laupepa mahuiga, mo e taha pepa fakamooliaga ko koe, mo e ha i ai e taha tohi ne fakamooli ko koe ne toka ai foki e ata haau. Manatu e tau tegavai neke kua lata i a koe ke uta. Toka e kato first aid, moli kasa, letio mo e tau maka kasa he taha mena ne maeke ia koe ke tataki mai fakamafiti.

Onoono fakamitaki ko e heigoa e haau a tau koloa kua lata ke uta

Ko e lagaki mai he aoga

Age ke he aoga toko tolu e higoa he tau tagata ne maeke ke lagaki mai e tau fanau he aoga kaeke kua nakai hoko a koe ki ai.