Tau kuli ne lagomatai ke he tau tagata ne nakai malolo e tau tino
Lago kia koe e levekiaga he kuli lagomatai ke he tagata ne nakai malolo e tino. Kua lata ia koe ke putoia a lautolu ke he tau palana mo e tau teuteu haau ha ko e tau lekua tutupu fakalutukia.
Kaeke ke fai kuli lagomatai a koe, tuga e kuli lagomatai ke he tau matapouli, moua e tohi fakaata mo e taha faahi gahua ne kua gofua ke he tau gahua pehe nei.
Moua e taha peleue mai he tau matakau fakatokaaga gahua ne tohia e higoa he matakau. Fai fakamailoga foki a ia ko e tagata ne leveki ke he kuli. Ko e fakamailoga nei ne maeke foki ke lagomatai ke liu matutaki mafiti kaeke kua mavehevehe a ko e mo e haau a kuli.
Taute taha palana mae haau a kuli. Fai kato lagomatai mae haau a kuli ne toka ai e tau kai, e tau vai fakamalolo tino, e tau fakamauaga ke he tau huki ne kua moua, e tau fakamooliaga kia ia mo e tau pipi tino.
Mitaki ke iloa he haau a kuli e tau tagata ne haha i ai ke he haau a matakau lagomatai. To mukamuka ka pihia ke maeke he haau a kuli ke talia e levekiaga mai he taha ka nakai ko koe.
Kumikumi e tau vala tala hagaao ke he tau kuli lagomatai he poko kupega hila he Department of Internal Affairs.
Ko e tau hatakiaga mae tau tagata kulikuli
Kaeke ke haha ia koe e taha vahega kulikuli poke taha manako ne ligaliga ke nakai moua e haohao mitaki kaeke ke fai mena tupu fakalutukia, kumikumi ke he tau hatakiaga ke mau tali.
